དུས་དེབ་ཨང་བཅུ་དྲུག་གི་གཙོ་དོན།

རྩོམ་སྒྲིག་པའི་གཏམ་གླེང༌།

ྋགོང་ས་སྐྱབས་མགོན་རིན་པོ་ཆེ་མཆོག་གིས་ཉེ་ལམ་བཙན་བྱོལ་དང༌། ཕྱི་རྒྱལ་གྱི་ཡུལ་གྲུ་གང་སར་ནང་པའི་ཚན་རིག་དང༌། ནང་པའི་ལྟ་གྲུབ། ནང་པའི་ཆོས་ཞེས་པའི་བརྗོད་བྱ་གསུམ་གཙོ་འདོན་ཐོག་ནས་ནང་ཆོས་ཀྱི་འགྲེལ་བཤད་གནང་གི་ཡོད། དེ་བས་ང་ཚོས་ཀྱང་རྒྱལ་བའི་དགོངས་བཞེད་དང་མཐུན་པར་དེ་དག་གི་དོན་སྙིང་ཁོང་དུ་ཆུད་པར་བྱ་རྒྱུ་གལ་འགངས་ཤིན་ཏུ་ཆེ། དེ་དག་ལས་ནང་པའི་ཚན་རིག་གི་སྡེ་ཚན་ཐོག་ཉེ་བའི་ལོ་ཁ་ཤས་རིང་ྋགོང་ས་མཆོག་སྐུ་སྒེར་གྱིས་གཙོས་བོད་ཀྱི་ནང་པའི་གཞུང་ལུགས་རབ་འབྱམས་ལ་གསན་བསམ་གནང་བཞིན་པའི་གྲྭ་བཙུན་དང༌། ཤར་ནུབ་གཉིས་ཀའི་དེང་དུས་ཀྱི་གྲགས་ཅན་ཚན་རིག་པ་དུ་མ་དང་ལྷན་དུ་ཕན་ཚུན་བགྲོ་གླེང་གི་ལེའུ་ཞིག་འགྲོ་བཞིན་ཡོད།